अभिनयसँगै बिजनेसमा पनि अब्बल बलिउडका १० चर्चित अभिनेत्री

काठमाडौँ । यस्ता कयौ अभिनेत्री छन्, जसले बलिउडमा आफ्नो पहिचान बनाएर सफलता पाए । अभिनयमा मात्र नभई यी अभिनेत्रीहरुले व्यवसायमा पनि सफलता पाएका छन । यस्ता छन आफ्नो अभिनय यात्रासंगै बिजनेस गर्ने १० चर्चित अभिनेत्रीहरु ।

माधुरी दीक्षित -बलिउडकी चर्चित अभिनेत्री माधुरी दीक्षित लामो समय सम्म फिल्म क्षेत्रमा देखा परिनन् । त्यसपछि एकैचोटि सन् २०१४ मा फिल्म गुलाव ग्यांगमा देखा परेकी माधुरीले यस बाहेक अनलाईन कार्यक्रम डान्स विद माधुरी चलाउदै आएकी छिन् ।

शिल्पा शेट्टी -आफ्नो फिल्मी करियरको दौरान हिट फिल्म दिएकी बलिउड अभिनेत्री शिल्पा पछिल्लो समय ठुलो पर्दामा देखा परेकि छैनन् । त्यसपछि उनले सन् २०१५ देखि आफ्ना पति राजकुन्द्रासंग मिलेर आफ्नो छोराको नाममा मोवाइल कम्पनी लन्च गरिन् । योसंगै मुम्वईमा शिल्पाको आयोसिस नामक स्पा पार्लर र क्लव पनि छ । यसअघि शिल्पाले द ग्रेट इन्डियन डाइट नामक किताव लेखेकी थिइन् । साथै शिल्पाले आफ्नो योगा डिभिडि पनि लन्च गरिसकेकी छिन् ।

प्रियंका चोपडा -बलिउड अभिनेत्री प्रियंका चोपडाले बलिउडमा मात्र नभएर हलिउडमा समेत आफ्नो पहिचान बनाइसकेकी छिन् । योबाहेक प्रियंकाको पर्पल पेबल पिक्चर्स नामको आफ्नै प्रोडक्सन हाउस छ । यसको मुख्य उद्देश्य थोरै बजेटमा फिल्म बनाउनु र नयाँ ट्यालेन्टेड कलाकार र निर्देशकलाई ठाउँ दिनु हो । यसमार्फत भोजपुरी र मराठि फिल्म निर्माण गर्ने गरिन्छ ।

अनुष्का शर्मा- अभिनेत्री अनुष्का शर्माको क्लीन स्लेट फिल्म्स नामक प्रोडक्सन हाउस छ । यसमार्फत बनेको पहिलो फिल्म सन् २०१५ मा रिलिज भएर चर्चा कमाएको थियो । यस्तै सन् २०१७ मा रिलिज भएको आफु अभिनित फिल्म फिल्लौरी पनि अनुष्काकै उत्पादन हाउसबाट बनेको फिल्म हो ।

करिष्मा कपुर- आफ्नो समयमा हिट फिल्म दिएकी करिष्मा दुई सन्तानकी आमा हुन् भने यिनले आफ्ना पतिसंग डिभोर्स गरिसकेकी छिन् । करिष्माले वेवीओए नामक अनलाईन स्टोरमा लगानी गरेकी छिन् ।

दीया मिर्जा -धेरै फिल्ममा अभिनय गरिसकेकी तर खासै चर्चामा आउन नसकेकी नायिका दीया सामाजिक कामका लागी अग्रसर रहने महिला हुन् । दीयाले आफ्ना विजनेस पार्टनर तथा पतिसंग मिलेर वर्न फ्रि नामक प्रोडक्सन हाउस चलाउदै आएकी छिन् ।

विपाशा वासु अभिनेत्री विपाशाले द लोवल लाइफ नामक लाइफस्टाइल ब्रान्ड चलाउदै आएकी छिन् । यस विजनेसमा रितिक रोशनकी पत्नि सुजेन र मलाइका आरोडा पनि सामेल छन् ।

मनिषा कोइराला -लामो समयसम्म ठुलो पर्दामा नदेखिएकी मनिषा कोइराला पुन फिल्मी क्षेत्रमा फर्किन लागेकी छिन् । मनिषाले सन् २००४ मा आफ्नो प्रोडक्सन हाउस मार्फत फिल्म उत्पादन गरेकी थिइन् । तर ४ करोड लगानीमा बनेको फिल्मबाट उनले रकम असुल्न नसकेपछि २.५ करोड घाटा बेहोर्नु परेको थियो ।