सबै बाबुआमा र शिक्षकहरुले थाहा पाउनै पर्ने कुरा

छोराछोरीको स्मरण शक्ति बलियो बनाउन चाहनेहरुको लागि महत्वपुर्ण कुरा भनेको बच्चाले के कति निन्द्रा पाएको छ भन्ने कुरा रहेछ I
बिद्यालयमा बालबालिकाहरुको सिकाई किन कम्जोर भयो भनि धेरै जसो बाबु आमा, शिक्षकहरुको टाउको दुखीको बिसय हुने गरेको छ I पढायो मेहनत गर्यो तर बिद्यार्थीले बुझ्न सक्दैन , सम्झिन सक्दैन, तेस कुराले सबै लाई तनाबमा पार्ने गरेको हुन्छ I जुन बल बालिकाहरु कम सुत्ने गर्छन , तिनीहरुमा यस्तो समस्या धेरै आउने गरेको अनुसन्धानले प्रस्ट पारेको छ I लामो समय सुत्ने बच्चाबच्चीले बढि सिक्छन्, बढि सम्झन्छन्
बाल्यवस्थामा सिकाइ तथा स्मरणलाई ससक्त बनाउने मुख्य चुरो लामो निद्रा रहेको तथ्य वैज्ञानिकहरुले पत्ता लगाएका छन् ।
१२ महिनासम्मको उमेरका २ सय १६ जना बालबालिकाहरुमा गरिएको अध्ययनले कुनै काम गरेपश्चात लामो समयसम्म सुत्न नपाएका बालबालिकाहरुले आफुले त्यसपछि गर्नुपर्ने काम सम्झन नसकेको पाइयो ।
बेलायतको शेफिल्ड विश्वविद्यालयका शोधकर्ताहरुले कुनैपनि कुरा सिक्नका लागि उपयुक्त समय सुत्नुअगाडिको समय रहेको र रातमा सुत्नुअगाडि पढ्ने बानी निकै महत्वपूर्ण रहेको ठहर समेत गरेका छन् ।
सिकाइ वा पढाइपछिको सुताइ निकै आवश्यक हुने भन्दै शोधकर्ताहरुले अझ लामो र गहिरो निद्राको महत्व बाल्यकाल अर्थात् जिवनको उत्तरार्धतिर निकै धेरै हुने बताएका छन् ।
अध्ययनका क्रममा शोधकर्ताहरुले बालबालिकाहरुलाई समान रुपमा केही काम सिकाए । त्यसरी सिकेका मध्ये केही बालबालिकाहरु सिक्दाकै चरणमा समेत सुते र उठ्दै सिक्दै समेत गरे । कतिपय बालबालिकाहरु भने निकै कममात्र सुते । ती सबै बालबालिकाहरुलाई अर्कोदिन उनीहरुले अघिल्लो दिन सिकेको काम गर्न लगाइयो ।
त्यसक्रममा के पाइयो भने जो बालबालिकाहरु अघिल्लो दिन सिक्दाकै चरणमा र त्यसपछि समेत मज्जाले सुतेका थिए उनीहरुले अघिल्लो दिन सिकेको काम स्मरण गरि पुनः नबिराइ गर्न सके । कम सुत्ने वा नसुतेका बालबालिकाहरुले भने अघिल्लो दिन सिकेको कुरा राम्ररी सम्झन सकेनन् ।
बेलायतको नेसनल एकेडेमी अफ साइन्स जर्नलमा छापिएको शोधमा शोधकर्ताहरुले सिकाइका लागि बच्चाको जस्तो सुताइ आवश्यक रहेको बताएका छन् ।
यद्यपि वयस्कहरुका लागि कुनै कुरा सिकेपछि वा तालिम लिएपछि सुत्नु अर्थात् निदाउनु लाभदायी भएपनि सिक्दाकै बखतमा तन्द्रामा जानु भने सकारात्मक नहुने कतिपय विज्ञहरुको भनाइ छ ।

प्रतिक्रिया दिनुहोस्
© 2018 nipolnews.
Designed by Sulav Host